|
शब्द ॥ 95 ॥
ॐ वाद विवाद फिटाकर प्राणी ,छाड़ो मनह्ठ का भाणो । काही के मन भयो अंधेरो , काही सूर उगाणो । नुगरा के मन भयो अंधेरो , सूगरा सूर उगाणो । चरण भी रहीया लोह न झुरिया , पिंजर पड़यो पुराणो । बेटा बेटी बहनर भाई सब से भयो अभाणो । तेल लियो खल चौपै जोगी , रीता रहियो घाणो । हंस उड़ाणो पंथ विलंब्यो कीयो दूर पयाणो । आगै सुरपति लेखो मांगै , कह जीवड़ा क्या करम कमाणो । जिवड़ा नै पाछै सूझन लागो ,सुकृत नै पछताणो ॥ शब्द ॥ 96 ॥
ॐ सुण गुणवन्ता ,सुण बुधवंता , मेरी उत्पति आद लुहारुं ।
भाठी अंदर लोह तपीलो ,तंतक सोना घड़ै कसारुं । मेरी मनसा अहरण , नाद हथोड़ा । शशीयर शूर तपीलो , पवन अधारी खालूं । जे थे गुरु का शब्द मानीलो , लंघवा भव जल पारूं । आसन छोड़ सुखासन बैठो । जुग जुग जीव जम्भ लुहारुं ॥ शब्द ॥ 97 ॥
ॐ विष्णु विष्णु तूं भण रे प्राणी जो मन माने रे भाई ।
दिन का भूला रात न चेतया ,कांय पड़ा सूता ? आस किसी मन थाई । तेरी कूड़ काची लगवाड़ घणो छै , कुशल किसी मन भाई । हिरदै नाम विष्णु को जंपो ,हाथ करो टवाई । हरि पर हरि की आण न मानी , भूला भूल जपी महमाई । पाहण प्रीत फिटाकर प्राणी , गुरु बिन मुक्त न जाहीं । पांच करोड़ी ले प्रहलाद उतरियो , जिन खरतर करी कमाई । सात करोड़ी ले राजा हरिश्चन्द्र उतरियो , तारादे रोहितास हरिश्चन्द हाटो हाट बिकाई । नव करोड़ी राव युधिष्टिर ले उतरियो , धन धन कुन्ती माई । बारह करोड़ समाहन आयो , प्रहलादा सूं कवलजूं थाई । किस्की नारी बस्त पियारी ,किसका बहनरूं भाई । भूली दुनिया मर मर जावे , न चीन्हो सुर राई । पाहण नाऊं लोहा सक्ता, नुगरा चीन्हत काई ॥ |
| Website Designed & Maintained By : 29i Technologies | |