|
शब्द ॥ 90 ॥
ॐ चोईस चेड़ा कालंग केड़ा ,अधिक कलावंत आयसैं । बैफेर आसन मुकर होय बैसैला , नुगरा थान रचायसैं । जाणत भूला महापापी , बहू दुनिया भोलायसैं । दिल का कूड़ा कुड़ियारा, उपंग बात चलायसैं । गुरु गहणा जो लेवै नाहीं , दश बंध घर बोलायसैं । आप थापी महापापी दग्धी परलै जायसैं । सतगुरु कै बेड़े न चढै, गुरु स्वामी न भायसैं । मन्त्र बेलू ॠध सिद्ध करसै, दे दे कार चलायसैं । काठ का घोड़ा निरजीवता , सरजीव करायसैं । तानै दाल चरायसैं । अधर आसन मांड बैसैला ,मूवा मड़ा हंसायसैं । जां जां पवन आसन पाणी आसन , चंद आसन सूर आसन , गुरु आसन समराथले । कहै गुरु भूल मत जाईयो , पड़ौला अंभै दो जखै ॥ शब्द ॥ 91 ॥
ॐ छंदे मंदे बालक बुद्धे , कूड़े कपटे ॠध न सिधे ।
मेरे गुरु जो दीन्हीं शिक्षा, सर्व अलिंगण फेरी दीक्षा । जाण अजाण बहीया जब जब , सर्व अलिंगण मेटे तब तब । ममता हस्ती बांधया काल , काल पर काले परसत डाल । धयान न डोलै मन न टलै , अहनिश ब्रहम ज्ञान उच्चरै । काया पत नगरी मन पत राजा , पंच आत्मा परिवारूं । है कोई आछै मही मण्डल शूरा , मन राय सूं झूझ रचायले । अथगा थगायले, अबसा बसायले । अनबे माघ पालले । सत सत भाषत गुरुरायों ,जरा मरण भो भागूं ॥ शब्द ॥ 92 ॥
ॐ काया कोट पवन कुट वाली , कुकर्म कुलफ बनायो ।
माया जाल भरम का सकंल ,बहु जग रहीया छायो । पढ वेद कुराण कुमाया जालूं , दंत कथा जग छायो । सिद्ध साधक को एक मतो , जिन जीवत मुक्त दृढायो । जुगां जुगां को जोगी आयो , सतगुरु सिद्ध बतायो । सहज स्नानी केवल ज्ञानी ब्रहाज्ञानी, सुकृत अहल्यो न जाई । क्यों क्यों भणंता क्यों क्यों सुणता , समझ बिना कुछ सिद्धि न पाई ॥ |
| Website Designed & Maintained By : 29i Technologies | |