|
शब्द ॥ 86 ॥
ॐ जुग जागो जुग जाग पिरांणी । कांय जागँता सोवो ॥ भल के बीर बिगोवो होयसी दुस्मण कांय लकोवो ? ले कुंची दरबान बुलावो ,दिल ताला दिल खोवो । जंपो रे जिण जंप्यो जणीयर,जपसी सो जिण हारी । लह लह दांव पड़ंता खेलो,सुर तेतीसां सा सारी । पवन बंधान काया गढ काची,नीर छलै ज्यों पारी । पारी बिनसै नीर ढूलैलो,औपिंड काम न कारी । काची काया दृढ कर सींचो,ज्यों माली सींचै बाड़ी । ले काया बासंदर होमो ,ज्यों ईंधन की भारी । शील स्नाने संजमे चालो ,पाणी देह पखालो । गुरु के वचने निंव खिंव चालो,हाथो जपो जप माली । वस्तु पियारी खरचो क्यों नांही,किंही गुण राखो टाली ? खरचे लाहो राखे टोटो, बिबरस जोय निहाली । घर आगी इत गोवल वासो , कूड़ी आधोचारी । आज मूवा कल दूसरा दिन है,जो कुछ सरै तो सारी । पीछै कलीयर कागा रोलो ,रहसी कूक पुकारी । ताण थकै क्यों हारयो नांही,मूरखा जोलै हारी ॥ |
| Website Designed & Maintained By : 29i Technologies | |