|
शब्द ॥ 69 ॥
ॐ जबरारे तो जग डांडीलो । देह न जींतो जाणो ॥ माया जाले ले जम काले । लैणा कोण समाणो ॥ काचै पिण्डे किसी बड़ाई । भोले भूल अयाणो ॥ म्हा देखता देव दाणूं । सुर नर खीणा ॥ बीच गया बे राणो । कुम्भकर्ण महारावण होता ॥ अबली जोध अयाणो । कोट लंका गढ विषमा होता ॥ कादा बस गया रावण राणो । नोग्रह रावण पाप बन्धा ॥ तिस बीह सुरनर शंक भयाणो । ले जम काले अति बुध वँतो ॥ सीता काज लुभाणो । भरमी बादी अति अंहकारी ॥ करता गरब गुमानों । तेऊ ते जम काला खीणां ॥ थिर न लादो थाणो । काचै पिण्ड अकाज अफारुं ॥ किसो प्राणी माणो । साबणा लाख मजीठी बिगुता ॥ थोथा बाजर घाणों । दुनिया राचे गाजै बाजै ॥ तामे कूण न दाणूं । दुनिया के रंग सब कोई राचै ॥ दीन रचै सो जाणे । मागर मणियां काच कथीर न राचो ॥ कूणा दुनी डफाणो । चलण चलन्ते ॥ जीव जीवन्तै । काया नवन्तै ॥ सास फुरन्तै । कायरे प्राणी विष्णु न जंप्यो ॥ कीयो कांधै को ताणो । तिहिं उपर आवेला जबर तणा दल ॥ तास किसो सहनाणो । ताकै सीस न औढगा ॥ पायन पहरणा । नैवा झुल झयाणो ॥ धड़क न बाण न टोप अड़गा । टाटर चुगल चयाणो ॥ सास सुचँगी घृतसुबासो । पीवण न ठंडा पाणी ॥ सेज न सोवण । पलंग न पौढण ॥ छात न मैड़ी माणो । न व दइया ॥ न व मइया । नागड़ दुत भयाणो ॥ काचा तोड़ निकूचा भाषै । अघट घटैं मल माणो ॥ धरती और असमान अगौचर । जाते जीव न देही जाणो ॥ आवत जावत दीसे नांही । साचर जाय अयाणो ॥ आयसां जोयसां भणतां गुणंता । बार महुर्ता पोथो थौथा ॥ पुस्तक पढिया वेद पुराणों । भूत प्रेती कांय जपीजै यह पाखण्ड परमाणो । कान्ह दिशावर जेकर चालो ॥ रतन काया ले पार पहुंचो । रहसी आवा जाणो ॥ ताह परेरे पार गिरायै । तत कै निश्चल थाणो ॥ सो अपरं पर कांय न जंपो । तत खहौ लौह ईमाणो ॥ भल भुल सींचो रे प्राणी । ज्यूं तरवर मेलत डालूं ॥ जइया मूल न सींचो । तो जामण मरण बिगोबो ॥ अहनिष करणी थिर न रहिबा । न बंच्यो जम कालूं कोई कोई भल मूल सींची लो । भलतत्व बुझी लो ॥ जा जीवन की बिध न जाणी । जीव तड़ा कुछ लाहो होयसी ॥ मुवा न आवत हांणी ॥ |
| Website Designed & Maintained By : 29i Technologies | |