  |
शब्द ॥ 65 ॥
ॐ तउवा जाग जो गोरख जाया । निरह निरह निरालम्ब ॥ जुग छतीस एकै आसन बैठा बरत्या । और भी अबधू जागत जागूं ॥ तउवा त्यागज ब्रह्म त्यागा । और भी त्यागत त्यागूं ॥ तउवा भाग जो ईश्वर मस्तक । और भी मस्तक भागूं ॥ तउवा सीर जो ईश्वर गौरी । और भी कहियत सीरूं ॥ तउवा बीर जो राम लक्ष्मण और भी कहियत बीरूं । तउवा पाग जो दशशिर बांधी ॥ और भी बांधत पागो । तउवा लाज जो सीता लाजी॥ और भी लाजत लाजूं । तउवा बाजा राम बजाया ॥ और भी बजावत बाजूं । तउवा पाज जो सीता कारण लक्ष्मण बांधी ॥ और भी बांधत पाजूं । तउवा काज जो हनुमत सारा और भी सारत काजूं । तउवा खागज जि कुम्भकर्ण महारावन खाज्या ॥ और भी खावत खागूं । तउवा राज दुर्योधन माणया ॥ और भी माणत राजूं । तउवा रागज कन्हड़ बाणी ॥ और भी कहिये रागूं । तउवा माघ तुरगम तेजी ॥ तटूतणा भी माघूं । तउवा बागज हँसा टोली ॥ बुगला तोली भी बागूं । तउवा नाग उधावल कहिये ॥ गरूड़ सीया भी नागूं । जां जां शैतानी करै उफारूँ ॥ तां तां महंत जफलीयो । जुरा जम राक्षस जुरा जुरिन्द्र ॥ कंश केशी चंडरू । मधु कीचक हिरणाक्ष हिरणाकुस ॥ चक्रधर बलदेऊ । पाबत वासुदेवों ॥ मणडलीक कांयन जोयबा । इंहधर उपर रतीन रहीबा राजूं ॥ |
| Developed By : iNet Bussiness Hub | |