  |
शब्द ॥ 64 ॥
ॐ मैं कल भूला माँड पिराणी । काँचै कंध अगाजूं ॥ काचा कंध गले गल जायसैं । बीखर जैला राजों ॥ गड़ बड़ गाजा कांय बिवाजा । कण बिण कूकस कांय लैणा ॥ कांय बोलो मुख ताजों । भरमी बादी अति अंहकारी ॥ लावत यारी । पशुवां पड़े भरान्ति ॥ जीव बिणासे लाहे करणै । लोभ सवारथ खायबां खाज अखाजों ॥ जो अति काले ले जम काले तेपण खीणा । जिंही का लंक गढ था राजों ॥ बिन हस्ती पाखर बिन गज गुड़ियों । बिन ढोला डूमा लाकड़ियो । जाके परसण बाजा बाजै ॥ सो अपर पर कायन जंप्यो हिन्दु मुस्लमानो । डर डर जीव के काजै ॥ राव रंका राजा रावां । रावत राजा ॥ खाना खोजां । मीरां मुल्लकां गढ फकीरां ॥ घड़ा गुरवाँ । सुर नर देवां ॥ तिमर लूं लड़घा । आयसां जोयसां ॥ साह पुरोहितां । मिश्र ही व्यासों रुखां बिरखां ॥ आव घटंती । अतरा माहे कुण बिशेषो । मरणत एको माघो ॥ पशु मुकेरूं लहेन फेरुँ । कहे जमेरुं सब जग कैरूं ॥ साचै से हर करै घणैरूं । रिण छाणै जूं बीखर जैलां ॥ तातैं मेरूं न तेरूं । विसर गया ते माघूं ॥ रक्तूं नातूं सेतूं धातूं ॥ कुमलावे ज्यौं सागु जीवर पिंड बिछोबा होयसी ॥ तादिन दाम दूगाणी । आढण पैं कीरती बिसोवो सीझे नांही ॥ औपिंड काम न काजूं । आवत काया ले आयो थो । जांते सुको जागो ॥ आवत खिण एक लाइ थी । पर जाते खिण एक न लागे ॥ भाग प्रापति कर्मां रेखां । दरगै जबला जबला माघों । बिरखे पान झड़ै झड़ै जायला । ते पर लइ न लागूं ॥ सेतूं दुगधूं कवलज कलियों । कुमलावे जयूं सागूं ॥ ॠतु बसंती आई । और भलेरा सागूं ॥ भूला तेण गयारे प्राणी । तिंहिं का खोज न माघूं ॥ विष्णु विष्णु भण लोई न सोई । सुर नर ब्रह्म को न गाई ॥ तातैं जबर बिनड़रेसी भाई । बास बसंतै की वी न कमाई ॥ जबर जणा जमदूत दुहैला । तातै तेरी कहा न बसाई ॥ |
| Developed By : iNet Bussiness Hub | |