|
शब्द ॥ 58 ॥
ॐ तउवा माण दुर्योधन माण्या । अवर भी माणत माणूं ॥ तउवा दान जू कृष्णी माया । और भी फूलत दानों ॥ तउवा जाण जु सहस्त्र झूभया । और झूझूत जाणो ॥ तउवा बाण जु सीता कारण लक्ष्मण खैंच्या । और भी खैंचत बाणौं ॥ जपी तपी तक पीर ॠषिश्वर । तोल रह्या शैतानो ॥ तिण किण खैंच न सकै शंभू तणी कमाणों । तेऊं पार पहुंता नाहीं । ताकी धोती रही असमाणे ॥ बारां काजे हरकत आई । अध बिच मांडयो थांणो ॥ नार सिंह न राज नरवो । सुराज सुर वो ॥ नरां नरपति । सुरां सुरपती ॥ ज्ञान नरिंदो । बहू गुण चिन्दो । पहलू प्रहलादा आप पत लीयो । दूजा काजै काम बिटलियो ॥ खेत मुक्त ले पञ्च करोड़ी । सो प्रहलादा गुरु की बाचा बहियों ॥ ताका शिखर अपारूं ॥ ताकी तो बैकुण्ठे बासो । रतन कायादे सौंप्या छलत भंडारुं ॥ तेउ तो उर बारे थाणो । अई अमाणो ॥ तत्व समाणो । बहु प्रमाणो ॥ पार पहूंचण हारां । लंका के नरशूर संग्रामे घणा बिरामें ॥ काले काने भला तिकंट । पहलै झूभया बाबर झंट ॥ पड़ै ताला समँद पारी । तेउ रहीया लंक द्वारी ॥ खेत मुक्त ले सात करोड़ी । परशुराम के हूक्म जे मुवा ॥ सेतो कृष्ण पियारा । ताको तो बैकुण्ठ बासो रतन काया दे सोंप्या छलत भंडारूं । तेउ तो उरबर थाणो ॥ अई अमाणो पार पहूंचण हारा । काफर खानों बुद्धि भराड़ो ॥ खेत मुक्त ले नव करोड़ी राव युधिष्टर ॥ सेतो कृष्ण पियारा । ताको तो बैकुण्ठे बासो रतन कायदे सौंप्या छलत भण्डारूं । तेउ तो उरबारे थाणो ॥ अई अमाणो ॥ बहु प्रवाणो । पार पहूंचन हारा ॥ बारा काजै हरकत आई । ताते बहुत भई कसवारूं ॥ |
| Website Designed & Maintained By : 29i Technologies | |