  |
शब्द ॥ 42 ॥
ॐ आयसाँ काहै काजै खैह भकरूड़ो । सेवो भूत मसांणी ॥ घड़े ऊधै बरसत बहु मेहा । तिंहिंमा कृष्ण चरित बिन ॥ पड़यो न पड़सी पाणी । जोगी जंगम ,नाथ ,दिगम्बर । संन्यासी, ब्राह्मण, ब्रह्मचारी ॥ मनह्ठ पढिया पणिडत । काजी ,मुल्ला ,खेलै आप दुवारी ॥ निश्चै कायौं बायौं होयसी । जै गुरु बिन खेल पसारी ॥ शब्द ॥ 43 ॥
ॐ ज्यौं राज गए राजेन्दर झुरै ।
खोज गए न खोजी ॥ लाछ मुई गिरहायत झुरै । अर्थ बिहूँणा लोगी ॥ मौर झड़ै कृषाण भी झुरै । बिन्द गए न जोगी ॥ जोगी जंगम जपिया तपिया । जती तपी तक पीरूं ॥ जिंहिं तुल भूला पाहण तोलै । तिंहिं तुल तोलन हीरूं ॥ जोगी सो तो जुग जुग जोगी । अब भी जोगी सोई ॥ थे कान चिरावो चिरघट पहरो । आयसा यह पाखंड तो जोग न होई ॥ जटा बधारो जीव सँघारो ऐसा यह पाखण्ड तो जोग न कोई ॥ |
| Developed By : iNet Bussiness Hub | |