  |
शब्द ॥ 32 ॥
ॐ कोत गऊ जे तीर्थ दानों । पांच लाख तुरगम दानों ॥ कण कंञ्चन पात पटंबर दानों । गज गेवर हस्ती अति बल दानों ॥ करण दधीच सिंवर बल राजा । श्रीराम ज्यौं बहुत करै आचरूं ॥ जां जां बाद बिबादि अति अहंकारी लुब्द सवादी । कृष्ण चरित बिन नांहि उतरिबा पारूं ॥ 32॥ शब्द ॥ 33 ॥
ॐ कवण न हुआ कवण न होयसी किण न सह्यो दु:ख भारूं ॥
कवण न गया कवण न जासी । कवण रहा संसारूं ॥ अनेक अनेक चलंता दीठा । कलिका माणस कौण विचारूं ॥ जो चित होता सो चित नांही । भल खोटा संसारूं ॥ किस का माई किसका भाई । किस का पख परवारूं ॥ भूली दुनिया मर मर जावै । न चीन्हौ करतारूं ॥ विष्णु विष्णु तुं भण रे प्राणी । बल बल बारम्बारूं ॥ कसणी कसवा भूल न बहवा । भाग परापति सारूं ॥ गीता नाद कविता नाउं । रंग फटारस टारूं ॥ फोकट प्राणी भर में भुला । भलजे यौं चीन्हौं करतारूं ॥ जामण मरण बिगोवो चुकै । रतन काया लै पार पहुचै तो आवागवण निवारुं |
| Developed By : iNet Bussiness Hub | |