|
शब्द ॥ 30 ॥
ॐ आयो हंकारो जिवड़ो बुलायों ।
कह जिवड़ा क्या करण कमायो ॥ थरहर कंपे जीवड़ो डोलै । उत माई पीव कोई न बौले ॥ सुकरत साथ सगाई चालै । स्वामी पवणा पांणी नवण करंतो ॥ चन्दे सुरे सीस नवन्तो । विष्णु सुराँ पोई पूछ लंहतो ॥ इन्हि खोटे जन मन्त्र स्वामी अहनिस तेरा नाम जपंतो ॥ निगम कमाई मांगी मांग । सुरपति साथ सुरासूरंग ॥ सुरपति सुरां सू मेलो निज पोह खोज ध्याइये ॥ भोम भली कृषाण भी भला | बूठो है जहां बाहियो ॥ करसण करो स्नेही खेती | तिसिया साख निपाइये ॥ लुण चुण लीयो मुरा तब कीयो ॥ कण काजै खड़गाहिये ॥ कणतुस झेड़ो होय निबेड़ो | गुरुमुख पवन उडाइये ॥ पवणा डौले तुस उड़ैला | कण लै अर्थ लगाइये ॥ यूं क्यूं भलो जे आपने जरिये । औरां अजर जराइये ॥ यूं क्यूं भलो जे आपने फरिये । औरां अफर फराइये ॥ यूं क्यूं भलो जे आप न मरिये । अवरां मारण धाइये ॥ पहले क्रिया आप कमाइये | तो औरांन फरमाइये ॥ मत भलके मर जाइये ॥ शौच स्नान किरो जिन नांही | जिवड़ा काजे नहाइये ॥ शौच स्नान किया जिन नांही | होय भंतूलो बहाइये ॥ शील बिबरजत जीव दुहेलो | यमपुरिये संताइये ॥ रतन काया मुख सुवर बरगो | अवखल झंखे पाइये ॥ सवामण सोनो करणे पाखो | किण पर बाह चलाइये ॥ एक गउ गवाला ॠषि मांगी | करण पखो किण सुबच्छ दुहाइये ॥ करण पखो किण कन्च्न दिन्हौ । राजा कवन कहाइये ॥ रिण मध्ये स्वामी करण पाखो । कुण हीराडसन पुलाइये ॥ किंहि निश धर्म हुवे धुर पुरो । सुर की सभा समाइये ॥ जो नविये नवणी खविये खवणी । जरिये जरणी ॥ करिये करणी । तो सीख हुआ धर जाइये ॥ अहनिष धर्म हुवे धुर पुरो । सुर की सभा समाइये ॥ किंहिं गुण बिदरो पार पहुंतो । करणे फेर बसाइये ॥ मनसुख दन जो दीन्हो करणै । आवागवण जु आइये ॥ गुरुमुख दानजु दीन्हौ बिदरे| सुर की सभा समाइये ॥ निज पौह पाखौ पार असी पुर | जाणी गीत बिवाहै गाइये ॥ भरमी भूला बाद बिबाद | आचार विचार न जाणत स्वाद ॥ कीरती के रंग राता मुरखा मन हट मरै | ते पार गिराये कित उतरै ॥ 30 ॥ |
| Website Designed & Maintained By : 29i Technologies | |