  |
शब्द ॥ 29 ॥
ॐ गुरु के शब्द असंख्य प्रबोधी ।
खार समन्द परीलो ॥ खार समन्दर परे परेरै । चौखणड खारूं पहिला अन्त न पारूं ॥ अनन्त कोड़ गुरु की दावण बिलंबी | करणी साचतरिला ॥ साँझैजमों सवैरैं थापण | गुरु की नाथ डरीलो ॥ भगवी टोपी थलसिर आयो | हेत मिलाण करीलो ॥ अम्बाराय बधाई बाजे | हृदय हरि सिमिरिलो ॥ कृष्ण मया चौखण्ड कृषांणी | जम्बूदीपे चरीलो । जम्बूदीप ऐसो चर आयो | ईसकंदर चेतायो ॥ मान्यो शील हकीकत जाग्यो | हक की रोजी धायों ॥ ऊंनथ नाथ कुपह को पोहमा आणयां | पोह का धुर पहुंचायों ॥ मोरे धरती ध्यान, बनस्पति बासो | औजू मण्डल छायों । गेंदू मेर पगाणे पर्बत ॥ औजू मण्डल छायों । गेंदू मेर पगाणे पर्बत ॥ मन्सा सोड़ तुलायों । ऐ जुग चार छतीसां और छतीसां ॥ आश्रा बहै आंधारी । म्हे तो खड़ा बिहयों ॥ तेतीसां की बरग बहाम्हे | बारां काजे आयो ॥ बारां थाप घणां न ठाहर मतां तो डीले डीले कौड़ रचायो ॥ म्हे ऊंचे मण्डल का रायो | समंद बिरोल्यो बासग नेतो ॥ मेर मथाणी थायों । सँसा अर्जुन मारयो ॥ कारज सारयो । ज्द म्हे रहस दमामा बायों ॥ फेरी सीत लई जद लंका । तद म्हे ऊथे थायों ॥ दह सिर का दस मस्तक छेदा । बाण भला निर तायों ॥ म्हे खोजी था पण होजी नां ही । लह लह खेलत डायों ॥ कंसा सुर सो जुवै रमिया । सहजे नन्द हरायो ॥ कुंत कुंवारी कर्ण समानो | तिंहिं का पोह पोह पड़दा छायों ॥ पाहे लाख मजीठी पाखो | बन फल राता पीझूं पाणीके रंग धायों ॥ तेपण चाख न चाख्या | भाखन भाख्या ॥ जोय जोय लियो फल केर रसयों ॥ थे जोग न जोग्या भोग न भोग्या न चीन्हो सुर रायों ॥ कण बिन कूकस कांये पीसो | निश्चे सरी न कायों ॥ म्हे अबधू निर पख जोगी | सहज नगर का रायों ॥ जो ज्यौं आवे सौ त्यूं थरपां | साचासौं सत भायों ॥ मौरे मन ही मुद्रा तन ही कंथा | जोग मारग सह लीयों ॥ सात सायर म्हे कुरलैं कीयों | ना म्हे पिया न रहयो तिसायों ॥ डाकण साकण निद्रा खुदया | ये म्हारे तांबे कूप छिपायों ॥ म्हारे मन ही मुद्रा तन ही कंथा | जोग मार्ग सह लियों ॥ डाकण साकण निद्रा खुदया| ये मेरै मूल न थीयों ॥ |
| Developed By : iNet Bussiness Hub | |