|
शब्द ॥ 116 ॥
ॐ आयसां मृगछाला पावड़ी कांय फिरावो , मतूंत आयसां उगंतो थाण थभाऊं । दोनो पर्बत मेर उजागर ,मृतूंत अधबिच आन भिड़ाऊं । तीन भवन की राही रुक्मण ,मतूंत थलसिर आण बसाऊं । नवसै नदी नवासी नाला ,मतूंत थलसिर आण बसाऊं । सीत बहोड़ी लंका तोड़ी ,ऐसो कियो संग्रामो । जा बाणै म्हे रावण मारयो ,मतूंत आयसां गढ हस्थनापुर सै आण दिखाऊं । जो तूं सोने की मृगी कर चलावै ,मतूंत घण पाहण बरसाऊं । मृगछाला पावोड़ी कांय फिरावो , मतूंत उगंतो थाण थंभाऊं ॥ शब्द ॥ 117 ॥
ॐ टूका पाया मगर मचाया, ज्यूं हंडिया का कुता ।
जोग जुगत की सार न जाणी ,मूड़ मूंडाया बिगूता । चेला गुरु अपरचै खीणा ,मरते मोक्ष न पायो ॥ शब्द ॥ 118 ॥
ॐ स्वर्गा हूंते शंभू आयो ,कहो कौन के काजै ।
नर निरहारी एक लवाई ,प्रगट जोत बिराजै ? प्रहलादां सूं बाचा कीवी ,आयो बारा काजै । बारां में से एक घटे तो सूचेलो गुरु लाजै ॥ |
| Website Designed & Maintained By : 29i Technologies | |