|
शब्द ॥ 114 ॥
ॐ सुर नर तणो सन्देसो आयो ,सांभलियो रे जाटो ।
चांदनै थाकै अंधेरै क्यों चालो , भूल गया गुरु बाटो । नीर थकै घट थूल क्यों राखो , सबल बिगोवो खाटो । मागर मणियां क्यों हाथ बिसोहो ,कांय हीरा हाथ उसाटो । सुर नर तणो सन्देसो आयो ,सांभलियो रे जाटो ॥ शब्द ॥ 115 ॥
ॐ म्हे आप गरीबी तन गुदड़ियो ,मेरा कारण किरिया देखो ।
बिन्दो ब्योहरो ब्योर बिचारो, भूलस नांही लेखो । नदिये नीरूं ,सागर हीरूं । पवणा रूप फिरै परमेश्वर , बिम्बै बेला निश्चल थाघ अथाघूं । उमग्या समाघूं ते सरवर कित नीरूं । गहर गम्भीरूं । खिण एक सिन्ध पुरी विश्राम लियों । अबजूं मण्डल भई अवाजूं ,म्हे शून्य मण्डल का राजूं ॥ |
| Website Designed & Maintained By : 29i Technologies | |