|
शब्द ॥ 110 ॥
ॐ मथुरा नगर की रानी होती , होती पाटम दे राणी । तीरथ वासी जाती लूटे ,अति लूटे खुरसाणी । माणक मोती हीरा लूटा ,जाय बिलूधा दाणी । कवले चुके बचने हारी , जिंहिं अवगुण ढांची ढोवे पाणी । विष्णु को दोष किसो रे प्राणी ,आपे खता कमाणी ॥ शब्द ॥ 111 ॥
ॐ खरड़ औढीजै ,तूम्बा जीमीजै ,सुरह दुहीजै ।
कृत खेत की सींव मलीजै ,पीजै ऊढां नीरूं । सुर नर देवा बंदी खानै ,तित उतरिया तीरुं । भोलब भालब ,टोलम टालम ,ज्यों जाणो त्यूं आणो । मैं बाचादाई प्रहलादा सूं ,सो चेलो गुरु लाजै । क्रोड़ तेतीसूं बाड़ै दीन्हीं ,जिनकी जात पिछाणो ॥ शब्द ॥ 112 ॥
ॐ जके पंथ का भांजणा ,गुरु का नींदणा ,स्वामी का दुस्मणा ।
कुफर ते काफरा ,कुमली कूपातूं ,कुचिला कुधातूं । हड़ हड़ा ,भड़ भड़ा ,दानबे दूतबा ,दानबे भूतबा ,राकसा बोकसा । जाका जन्म नहीं पर कर्म चण्डालूं । और कूं जीभैं कर आप कूं पोषणा । जिंहि की रुवाह ले दीजैसी । दौरे धूंप अधारूं। तानबे तानबा ,छानबे छानबा ,तोड़बे तोड़बा , कूकबे पुकारबा , जाकी कोई न करबा सारूं ॥ |
| Website Designed & Maintained By : 29i Technologies | |