|
शब्द ॥ 101 ॥
ॐ नितही मावस नित संकरांति, नितही नवग्रह बैसै पांति । नितही गंग हिलोरे जाय , सतगुरु चीन्हैं सह्जै नहाय । निरमल पाणी निरमल घाट ,निरमल धोबी मांडयो पाट । जे यो धोबी जाणै धोय ,तो घर में मैला वस्त्र रहै न कोय । एकमन एकचित साबण लावै , पहरंतो गाहक अति सुख पावै । ऊंचे नीचे करे पसारा । नांही दूजे का संचारा । तिल में तेल पहुप में वास , पांच तत्व में लियो प्रकाश । बिजली कै चमकै आवै जाय । सहज शून्य में रहै समाय । नै यो गावै न यो गवावै , स्वर्गे जाते बार न लाई । सतगुरु ऐसा तत्व बतावै , जुग जुग जीवै बहुर न आवै ॥ शब्द ॥ 102 ॥
ॐ विष्णु विष्णु भण अजर जरीजै ,धर्म हुवे पापां छुटीजै ।
हरि पर हरि को नाम जपीजै ,हरियाली हरि आण हरुं । हरि नारायण देव नरूं । आशा सास निराश भईलो , पाईलो मोक्ष द्वार खिणूं ॥ शब्द ॥ 103 ॥
ॐ देखा अदेख्या सुणा असुणा , क्षमारूप तप कीजै ।
थोड़े मांहि थोड़े रो दीजै ,होते नाहि नां कीजै । कृष्ण मया तिहुं लोका साक्षी, अमृत फूल फलीजै । जोय जोय नाम विष्णु के बीजै अन्नत गुणा लिख लीजै ॥ |
| Website Designed & Maintained By : 29i Technologies | |